皇牌冰室 (新成路)

營業中

休息中

去行紅花嶺之前，當然要補充吓體力先。上次行雞公嶺都係過嚟呢邊食完先至出發。今次忍咗口冇嗌沙嗲牛，反而叫咗個麻辣蕃茄湯牛肉通粉。本身叫煎蛋但係嚟錯左反蛋，但冇所謂啦，總之唔係全熟蛋就得。如果鍾意食甜嘅話呢個蕃茄湯就啱，反而麻辣味唔算重，我個人口味就覺得甜咗少少，同我想像中嘅蕃茄湯有些出入，不過下山之前清清地都OK。但係如果食通粉或者螺絲粉可以掛湯就更加好。反而係啲蘿蔔糕偏甜我就覺得正常，就係剛剛好可以處理好咗白蘿蔔嗰種甘味。條香草腸幾好食，但係得一條唔係好夠喉。另外最正嘅係佢凍檸啡，都係正常凍飲價錢完全係佛心價。整體嚟講下次都係按返自己最鍾意嘅口味～沙嗲牛最穩陣。