SP Senses (尖沙咀中心) (裝修中)

經歷難捱嘅三年，終於迎來復常嘅日子喇！最近也正式通關，到處都人頭湧湧，想搵個寧靜一啲嘅地方食個飯都顯得非常唔容易呀🥹！不過前幾日，外子喺佢公司附近發現咗一間餐廳，就帶我去食飯，同時慶祝情人節呢🥳！我哋七點去到，服務員安排一個近門口嘅座位俾我哋。甫坐下，就為我哋送上兩杯清水。外子睇緊餐牌嘅同時，我就陶醉喺餐廳嘅浪漫氛圍裡面🥰。我哋點餐後，陸續開始有食客入嚟。呢度冇吵耳嘅音樂聲，令我可以享受片刻寧靜😇。兩份定食不一會就送到，服務員亦細心為我哋介紹，非常貼心。我點嘅係西京燒銀鱈魚和帶子，質素唔錯，肉質非常之嫩滑，好好味😋！外子點咗西班牙橡果豚扒，肉質鬆化唔會韌。定食仲附上燒飯團、麵豉湯、醃漬物、天婦羅同埋和菓子，好豐富，心心眼😍！呢度好啱情侶約會👩‍❤️‍👨，姊妹淘開心聚會👭。食飽後又可行出海濱散步，地點非常便利呢😁！