二世祖

營業中

休息中

因為可愛既甜品已一早bookmark左既西餐廳，提前預先book左位，用餐時間有90分鐘。蒜香牛油日本帶子扁意粉 $168一上枱蒜香味好香濃，帶子非常大粒，大過5蚊銀，而且煎得幾好，咬落去有少少汁，再配埋蒜蓉同牛油汁，好食！扁意粉比較幼細，大約一人份量，價錢黎講比較進取。慢煮加拿大豬鞍架配特色酸梅蛋黃醬 $198豬鞍架好大塊、幾厚身，連住一條大骨，以慢煮方式鎖住肉汁，食落去吾鞋，加上用左酸梅蛋黃醬，帶微微果酸，味道不錯。豬鞍下面鋪滿薯蓉，所以share食都好飽肚。另外仲有串茄、菇菌同露荀條做配菜。Tiramisu 提拉米祖 $108貌相非常可愛既甜品，令大家都忍吾住要打卡影相。Tiramisu 份量亦比想像中大好多，size有大約有3-4吋，4個人share食都可以。Tiramisu 咖啡味香濃，蛋糕吾算濕潤，但Mascarpone Cheese打至忌廉狀，香濃幼滑。二世祖特濃朱古力 $48見好多人推介，忍吾住叫黎試下。邪惡滿滿既特濃朱古力非常好飲，飲落似朱古力奶，質感濃稠，好重朱古力味。水蜜桃果粒茶 $58非常大杯既果茶，似用啤酒杯裝住既size，甜度適中，入面有好多果粒同花。