表叔火鍋

營業中

休息中

一講起打邊爐，我真正好唔鍾意食任食火鍋，因為呢，食物種類雖然係選擇好多，但係質素，往往係非常普通，食之無味，棄之惋惜。今次又比我搵到好嘅火鍋推介，今次就嚟到大角咀。-呢度嘅火鍋湯底選擇非常之多，有成十幾款，例如係海皇一品鍋、胡椒豬肚雞鍋、蘿蔔清湯牛腩鍋等等，而今次我就試吓佢嘅泰式海鮮冬蔭功鍋。-湯底一上到黎已經十分吸引，因為賣相同埋香味都非常之好。用咗大量香料烹調而成，淺嘗湯頭一啖，味道極之濃郁，大蝦同青口等海鮮令湯頭鮮味十足，令人胃口大開。我覺得打邊爐火鍋配料固然重要，但係如果湯底做得出色，簡直係令成餐錦上添花。-手切頂級牛頸脊，淨係睇賣相都知道脂肪分布十分平均，牛味十分濃厚，肉質鮮嫩有彈性，同急凍牛完全冇得比，都算幾有驚喜喎！-另外我亦都好推介佢嘅響鈴，呢度嘅響鈴係即叫即炸，所以同平時嘅比較起來真係好食好多，食落會仲保留着好香脆嘅感覺，吸埋湯頭嘅精華，誠意推介。-另外仲有好多配料都做得唔錯，例如係脆肉脘魚片、即炸魚皮、新鮮元貝、黑松露鮮蝦水餃等等，用料好新鮮，整體水準幾高，而且價錢又唔貴，我覺得性價比算係幾高嫁。