首先會送上前菜，以酸菜，黑木耳，花生為主，偏鹹。
1
跟住係我最期待既海蝦大良炒鮮奶，結果令我好失望。炒鮮奶好粉好杰，完全唔嫩滑，冇奶味，唔好食。
南乳炆粗齋有粉絲，白菜仔，豆，黑木耳，茄子，菇，硬豆卜等，都多料但偏鹹。
蟹肉鳳尾蝦多士唔夠脆，少少粉，唔係好食既蝦多士。
羊城伴五秀有蓮藕，馬蹄，紅蘿蔔，西芹同菇，都係偏鹹。
鐵板叉燒雖然幾油，但尚算好食，肥瘦適中。
金菇瑤柱扒豆苗唔錯，只係芡汁偏鹹。
清炒桂魚絲既西蘭花幾爽脆，桂魚絲冇骨，幾好食。
重頭戲脆皮糯米豬，我食左四件，好滯，但估唔到糯米同乳豬都幾夾，唔錯。
最後仲有我鍾意紅豆沙作為甜品。
提一提一定要洗乾淨碗碟，筷子同杯，因為目測都幾污糟。
