半島漁港/阿翁火鍋館

營業中

休息中

今晚同班老友嚟返呢間街坊酒樓，之前都嚟過，個個都話正！首先係文昌雞，皮爽肉滑，雞味濃郁，點埋薑蔥油，簡直係絕配，啲肉一啲都唔「鞋」，食到停唔到口。 跟住上枱嘅係清蒸藍瓜子斑，條魚蒸得啱啱好，肉質嫩過豆腐，連平時唔食魚嘅朋友都搶住夾。 生扣大連鮑魚，真係驚喜！鮑魚厚身彈牙，扣得入味又唔會韌，個汁撈飯可以食多兩碗。清炒白菜仔，就普通啲，但勝在夠鑊氣，菜又嫩，清清哋平衡返成餐飯。 菠蘿咕嚕肉，酸甜適中，外脆內軟，啲肉仲好juicy！豉汁蒸鱔，就更加冇得輸，鱔肉肥美，豉汁香濃，送酒一流。最後嗰碟煎蠔餅，蠔仔好多，煎得金黃香脆，幾正。總括來講，呢間酒樓，座位寬闊，食物高質，下次一定再encore！