一．漢堡

營業中

休息中

有幸屋企就住附近，成日都可以黎Burger One食漢堡😂雖然唔捨得比太多人知呢間鋪，但係呢間小店既用心真係值得更多人知💛我最推介就係佢既脆炸魚柳漢堡🐠佢既魚柳永遠大大塊，外脆內軟，炸粉薄而且魚肉仲好濕潤🤤佢既麵包都非常香而且厚🤤好食過一般連鎖店多多聲👀佢既黑松露芝士薯條都一定要試！薯條即炸唔會全部都係油，芝士粉同黑松露永遠都比勁多，超級香口🥰而檸檬胡椒雞翼都必定要試！雞翼非常多汁，肉質飽滿，唔會有雪味🍋檸檬胡椒酸甜帶少少辣，非常惹味開胃🔥雖然鋪頭係舊商場入面，鋪頭唔大，但食物永遠唔會失望，裝修亦都非常有美式風格，可見店家投放既心機🌟黎荃灣行開不妨一試✨