La Serene Caffè

營業中

休息中

肥妹仔今晚放工之後去咗銅鑼灣嗰邊行咗一陣sogo，行完之後時間都已經唔早，就決定上sogo嘅一間 餐廳度食飯。香煎銀鱈魚  $248呢一個係肥媽叫嘅，佢個銀鱈魚超好食，超香銀鱈魚獨有嘅魚味，肉質非常嫩滑，完全唔駛點任何醬就咁食已經係好好食。帶子蒜香意粉  $168其實通常帶子蒜香意粉係冇得輸，唔會難食得去邊。佢嘅帶子煎到外脆內嫩，肉質好厚身， 咬落去啖啖都係肉。意粉嘅硬度剛剛好，蒜香味都算出。rib eye $258肥爸叫嘅肉眼扒，好大份，牛好好食，肥妹仔要一讚!!!好軟熟，好香濃嘅牛味。lamb chop $248呢個係肥妹仔叫嘅羊架，呢度嘅羊騷味都幾強， 肉質好軟好淋，好好食。不過肥妹仔唔慣食咁勁羊味嘅羊架，所以所以最尾都happy share咗一嚿畀肥爸。熱咖啡呢度嘅熱咖啡原來係攞獎咖啡，肥妹仔先飲一啖冇加奶嘅咖啡，真係好香好濃咖啡味，鍾意飲齋啡嘅朋友一定要試!而加咗奶就多咗一種奶香同順滑嘅口感，肥妹仔就鍾意加咗奶嘅咖啡多啲啦。