Goobne Chicken (M88) (已結業)

買買買買到夠哂，梗係唔可以虧待個胃，我個吃貨閨蜜特登帶我黎呢間韓國烤雞食，佢話好好味，賣相又唔錯田　，岩哂我要求叫我一定要試喎。周末出黎食飯嘅人都多，要等左陣位先有得食。環境都唔錯，座位又夠哂闊，好岩我地拎住咁多野嘅人。我地叫左一份鐵板芝士泡菜炒飯同韓式雞蛋卷，同埋一份原味火山雙拼烤雞。果然係無介紹錯，真係好好食啊！作為一個芝士控，呢個鐵板炒飯真係大大大滿足到我啊！芝士同泡菜嘅結合都幾有特色，咬落口感真係好豐富。雞蛋卷又嫩，料好足。但最鐘意嘅都係烤雞，我都算係重口味，所以會鐘意食火山烤雞多d，外鮮內嫩，一份嘅量都算幾多，食唔哂我地打包拎走。整體黎講都係一間唔錯嘅店，情侶或者一班朋友黎聚下都係唔錯嘅選擇。