神戶北之板

營業中

休息中

突然想食蛋包飯，就去左Apita food court。。環境星期六下午茶時段都好容易搵位，啲位都幾舒服同埋乾淨，燈光又唔會殘眼。鍾意坐幾耐都得，天氣凍同朋友吹下水都好。。食物太古城中心餐廳嘅蛋包飯通常都要100蚊，Apita用六十蚊就食到都算抵。個飯都幾大個，可以同人share。不過味道都幾普通，唔夠熱，塊豬扒都係炸起放左一陣嘅。Food court黎講真係唔可以有咩要求架喇。但係跟餐加20蚊嘅綠茶蛋糕就反而有驚喜！可能係我本身以為會中伏，但食落又OK！杯齋啡仲要用咖啡脂。總結黎講，如果行太古城中心，唔想食連鎖快餐店，食下food court都好，加上之前翻修過，環境算幾好。