焱丸水產 (已結業)

朋友同事都知我鍾意食日本嘢，近期好友推介公司附近的焱丸，趁剛剛完成一項繁重嘅工作，一於獎勵吓自己，食個靚午餐。店內陳設甚有漁港風味，即時想起沖繩嘅泊魚市場枱面的小爐，引發了食磯燒的慾望，就任性咁午餐食一次磯燒啦每人叫咗一個午餐，再加甲羅燒、燒蠔，仲有2個小食+特飲。午餐有前菜、沙律、味噌湯...前菜係海藻、青瓜加蟹肉，爽口開胃沙律新鮮爽脆又好味蟹噌甲羅燒有蟹膏、蟹肉、蟹籽、鵪春蛋和蔥花，店員服務好好，會幫手燒埋，燒吓撈吓，最後所有材料融為一體，又香又滑好好味呀每人一隻熊本岩蠔，好肥美，完全唔使自己郁手，燒熟需時，食住其他嘢先，蠔隻收水後漲卜卜，好可愛，食落又爽又滑，真係呀！焱丸丼和北海道丼顏色都好靚，剌身新鮮亮晶晶夠吸引。三文魚手卷要趁紫菜未腍時食海膽好鮮甜刺身樣樣都鮮甜好味，特別鍾意八爪魚，好鮮，口感唔韌有咬口焱丸丼有海膽、三文魚子、呑拿魚蓉、蟹柳絲、蛋絲同蟹籽，撈勻嚟食好架，鮮甜、幼滑，仲有咇咇卜卜籽類，好味又過癮醬汁焗魷魚夠曬惹味，魷魚口感爽脆彈牙配料有洋蔥同本菇唔怪之得個汁咁香甜啦。蓮藕切成薄片炸，口感似薯片，又香又酥飲埋個熱嘅柚子蜜，非常完美嘅午餐，好滿足。