蟹八爺

營業中

休息中

呢一日行街喺尖沙咀lunch時間就來到厚福街，想食之前食開麵店「元祖沾麵專門店」，誰不知已轉咗新麵館，叫「蟹八爺」，見到“蟹”字，應該啱我，諗開早排仲特登去深圳食，今日香港有得食，價錢仲同深圳差不多，不需猶豫，沖啊。朋友同我都喜歡蟹黃麵，因此叫咗两個“招牌黃金瀑布蟹黃麵套餐”，套餐有埋三小碟，包括糖心蛋+小酥肉+炸蟹黃小雲吞 及 飲品，是日飲品係熱紅糖薑茶，麵和蟹黃係分開的，食一啖鮮甜的蟹黄先，跟住溝埋两様嘢食，滿足。小食“宮廷蟹黃豆腐煲”也是滿滿的蟹黃，以及嫩滑的豆腐，真是喜歡。小籠包有辣同唔辣的選擇，揀咗唔辣的四彩繽紛小籠包，有蟹王+香菇+雞肉+黑松露呢四色，色彩鮮艷，睇到就feel到好食。甜品亦是不可思議的存在， 水晶雪梨凍個形狀同真梨冇分别，呈現喺我哋面前㗎係晶瑩通透的雪梨，入口係青新的甜；而“草莓冰粉”好多料，有草莓，有彈彈珠，有台灣甜品中的芋圓，非常之好味。