華爾登麵包餅店

營業中

休息中

早就聽過華爾登個大名好耐，上晝工作經過，見岩岩開舖無耐，就買件蛋糕試下手勢。可能岩岩開舖，啲貨未整理好，啲麵包、蛋糕同餅都未擺好啲價錢牌，不過知呢間係良心小店，佢話幾錢就幾錢班蘭蛋糕上，印有華爾登既代表圖案，係蛋糕上落模，都係第一次見，最近華星出既印字紙包蛋糕，始乎都係跟風，人地上年已經出緊架喇！蛋糕咬落去好鬆軟，好香班蘭既味道，而且蛋糕大大份，都幾抵食！本身想試佢啲曲奇，但可能我真係太早去，選擇唔多，就隨手拎塊Pepe抹茶曲奇買泥試下，抹茶略嫌可以再濃啲，曲奇係偏向軟身果種口感，都幾大塊下~ 知道呢間店過時過節會推出特色應節食品，仲想試下佢其他product，經開的話一定會幫襯！