影片
更多
2016-05-22
1802 瀏覽
520那日去百老匯電影中心揀到兩張好鐘意嘅海報，有一張仲要剩低Last一張，用牛皮紙袋好好包住，一直用手拎驚整巢佢，之後就去蘭芳園吃個豬扒撈丁加凍奶茶，老實講，佢啲奶茶已經好難飲，但係吃咗好多年，有份情懷搭救，好難拋棄。之後埋單走咗先發現唔記得攞嗰兩張海報，前後唔夠十分鐘，返到去問，個執臺嘅夥記話:嚇？你仲要㗎？然後就去摷垃圾桶，若無其事咁遞俾我。佢拆咗我個牛皮紙袋，兩張海報上面全部都係廚餘，溼到軟瀨瀨，點都救唔番。我簡直想喊。我問點解要拆咗我嘅嘢？個夥記完全唔理我就行開咗，講真，兩張海報好平，但問題唔係呢度。我呆企幾秒鐘，擺低嗰兩張爛紙走咗。我以後都唔會再去蘭芳園。
然後就去摷垃圾桶，若無其事咁遞俾我。
佢拆咗我個牛皮紙袋，兩張海報上面全部都係廚餘，溼到軟瀨瀨，點都救唔番。
我簡直想喊。
我問點解要拆咗我嘅嘢？個夥記完全唔理我就行開咗，講真，兩張海報好平，但問題唔係呢度。我呆企幾秒鐘，擺低嗰兩張爛紙走咗。
我以後都唔會再去蘭芳園。
張貼