獅城星馬餐廳 (已結業)

去親蘭桂坊Happy Hour通常都係是但落一間酒吧，不過今次去咗個新地方，食住新加坡野飲住德國啤酒，都真係唔錯。呢間新加坡餐廳可能都算係新開，所以未係好多人知道有呢一間野，所以我同我朋友兩個人4點鐘左右上到去基本上係包場，靜靜地飲野幾好，間野都靚同好坐嘅。揭開Menu發現佢有兩隻德國啤酒，我同我朋友都揀咗麥啤，至於野食，我地就叫了沙嗲，2牛1豬1雞。個沙嗲燒得都幾香，個沙嗲醬花生味都夠香，甜甜地，好食。而個麥啤就麥味好香，但又唔會好重型，幾易入口，啱晒呢D悶熱嘅下雨天。呢間餐廳整體感覺唔錯，下次會黎試下佢嘅晚餐。