So Bar (已結業)

收工想喺尖沙咀同朋友飲番杯Cocktail，食吓嘢輕鬆吓心情，所以就去咗好出名嘅蘇媽蘇媽旁邊嘅姊妹店So Bar。蘇媽蘇媽嘅星馬菜出晒名就係人都知，所以So Bar都以星馬融合為主題，無論係嘢食定係飲品都比較特別，仲有大屏幕播住足球賽事添！黑醬照燒排骨🍖通常西餐Rib都係以燒烤醬或者水牛城口味做調味，而呢度就係用上新加坡菜經常用到嘅黑醬油做調味，鹹鹹甜甜，非常惹味。薯角份量亦都好多，炸得非常香脆。燒鰻魚🐟鰻魚燒得好香口，滿滿嘅鰻魚汁同紫菜碎鋪滿鰻魚上面，鰻魚本身冇乜碎骨，所以送酒一流。香梨芝士蛋糕🍐🍰芝士蛋糕來講，香梨嘅口味比較少見，味道上都好有新鮮感，果香充滿着每一啖蛋糕，仲有唔少果肉添！Coco🍹呢度有唔少signature Cocktail，呢杯係由龍舌蘭酒、蜂蜜菠蘿汁同檸檬草調製而成，酸酸甜甜，仲有好香嘅herbs味。Durian Kiss🧉呢杯Cocktail簡直係為榴槤愛好者而設，質地就好似smoothie咁，入面有滿滿嘅貓山王榴槤果肉，同baileys調製而成，估唔到兩者係咁夾，相信冇乜地方可以飲到呢個口味嘅Cocktail，推薦!