蘇媽.蘇媽馬來西亞茶餐室 (已結業)

唔知第N次幫襯蘇媽蘇媽了，貪佢價錢算相宜，菜式又多，唔想食老茶沙爹牛或show me your love飯，講真蘇媽一定係一個好選擇（分店仲多咗）！ 呢次去咗尖沙咀有Bar果間食飯，內裡裝潢大亦有馬拉特色，外面個bar位好chill，不過下午茶時間想食飯，未想happy hour住😅1️⃣5️⃣4️⃣7️⃣ 下午茶🫖🥢 海南鴛鴦燒麵包麵包熱又鬆脆，塗咗厚厚嘅咖咉再配冰凍嘅厚切牛油，超好食超邪惡😆🥢 古早豬腸粉豬腸粉應該有用豬油，配醬汁肉碎都幾夾，濃味系列～🥢 高佬麵配雞扒高佬麵用超多甜豉油撈成，佢配埋干魚仔花生同瓜絲再加香辣醬撈埋，講真齋食個麵已好好食；雞扒煎得不錯，份量麵算大，一個女生未必食得哂～☕️ 馬來西亞拉茶比港式奶茶更好飲，因為佢甜😂 佢茶都好特別，果陣叫了凍熱拉茶試，其實個人認為熱飲好飲啲，飲出層次味道。