吞POT 雞煲火鍋.住家菜 (山林道) (已結業)

喜歡吃火鍋的我們差不多每個月都會去食，其中一個朋友話試過這間話湯底同料都可以就話今個月不如食呢間，我地大約八點來到都不少人已經食緊，湯底就叫朋友話必食的花雕藥膳雞煲，來到見到幾足料，當煲好後好香甜，雞都幾滑有驚喜，每人飲了一碗湯先再打邊爐。打邊爐料要了手打芝心牛丸，芝士好香而牛丸都幾彈牙，喜歡吃豬的我就叫了豬頸肉片，切得幾薄份量都不少，好爽口。羊肉片，羊味濃又夠薄，滾幾下食好嫩滑。見到自制即叫了響鈴，來到眼見都好脆又吾油身，滾幾秒食仲保持到少許脆口。朋友喜歡吃牛肉髓，話這裡的夠新鮮而又滑身，之後再加湯都沒有令到湯底變好淡都不錯。