CURATOR Art & Café (已結業)

黎到K11見到依間餐廳有藝術打印咖啡，就諗到之前好多人都試過依間餐廳，入到去好似去左藝術館，裝飾品好似藝術品，比人欣賞。叫左個Dinner Set，前菜係超甜蕃茄沙律配堅果、清新柚子醋，作為前菜黎講，佢都算大份，佢用嘅蔬菜都好新鮮，冇菜嘅苦澀味。蕃茄配得上佢嘅名，食落非常鮮甜，柚子醋配上成份沙律好正，食落酸酸甜甜，令人開左胃。主菜係香煎慢煮三文魚扒配鑽石米型粉，三文魚扒煎得幾好味，皮脆肉嫩，香滑多汁，魚油非常濃，但魚扒食落冇油膩感，佢煎得唔會又乾又柴，更冇甩皮甩骨。除左有三文魚，係米型粉裡面有海鮮，令到成碟餸更加滋味。米型粉係第一次食，佢嘅形狀似米飯，本身以為係飯，但口感幼滑，佢撈埋忌廉汁一齊食，更容易入口。甜品係芝士蛋糕，好耐冇食過咁好味嘅cheesecake，佢食落甜度適中，唔會有膩嘅感覺，食落口就溶係口裡面。飲品就係有靚拉花嘅latte，加左$10加大左杯野飲，佢嘅奶味都算濃，奶香味重，但飲落唔會太甜。酥脆雞錘配水牛芝士醬嘅雞錘拍得上韓國炸雞，炸得香脆但唔油膩，食落好fresh，配上水牛芝士醬就更加好味，雞錘肉質都幾juicy。