文博軒

營業中

休息中

星期六放假都係去左飲茶，正確黎講係茗茶呀，我係藝文青，當然識得享受人生黎茗茶啦。叫左壺碧螺春呀，職員會幫你沖埋第一浸，餘下既要自己沖。茶香相當清香，而味道係甘甜既，初入口係甘味，after taste 係甜架，有質素的茶葉呀。跟住食左碗菜肉餃麵，餃皮少厚，而肉餡係適中，唔會太大，但菜味唔太香，肉味就一般。由於湯底係清，所以麵唔會好濃味。最後一邊品茶一邊食埋份桂花糕。感覺相當清爽，甜味適中，襯埋杞子係感覺養生，而味道同碧螺春係幾夾既，就咁完成偽文青的一天。