上村牧場 (已結業)

好耐冇去食燒肉，見網上有人介紹上村牧場，牛肉嘅質素都唔錯，而且仲係放題任食，岩晒我啲食肉獸😋😍薩摩牛饗宴燒肉放題👀去到即場join會員仲有果汁送！有超過170品嘅食物，多款肉類、壽司、熟食、前菜、甜品應有盡有！真係飽到上心水😋😋😍奇蹟之稀少肉盛盒入面嘅部位比較少見，有啲比較厚身嘅牛肉需要每面各燒1分鐘，之後拎出嚟放涼一陣，再剪開，睇吓夠唔夠熟，唔夠再放係去燒。最愛特上牛五花，花紋好靚，滿口油脂香，真係幾正！😳😍另外頭盤啲肉都唔錯，因為有醬汁腌過，唔需要額外點其他蘸醬都好夠味！但因為呢度啲牛肉油脂都算多，用生菜包住一齊食會清爽啲！😍除咗肉類，仲食咗唔少熟食，好似壽司/鰻魚丼其實質素都係100分！絕唔會hea，係啖啖肉，食到好滿足😆😆😍食完正餐梗係要食甜品，呢度嘅甜品係有啲料！檸檬果凍同黑糖麻糬仲有香蕉蛋糕都唔錯🤣🤣最後仲有埋哈根達斯嘅雪糕，食完呢餐可以隔一排先食肉了🤣🤣*值得一讚店員全部都好友善，知道你第一次嚟食會好清楚解釋俾你聽成個燒肉流程，亦都會keep住幫你收起唔要嘅餐碟，服務100分！