影片
更多
2023-08-03
248 瀏覽
嚟到觀塘apm，相信大家都對但馬屋唔陌生，「但馬屋」以一人一鍋為主題，提供多款不同口味湯底，可以根據個人喜好食火銅唔使迎合他人，食得輕鬆又自在～呢個夏天，但馬屋集團更推出夏祭蕃茄壽喜燒鍋，湯底由獨有特製壽喜燒汁加入原粒鮮蕃茄熬煮而成🍅 傳統壽喜燒又真係未試過，今次專登嚟試下咁創新嘅配搭，究竟甜甜嘅傳統壽喜燒加入蕃茄嘅「酸」味會擦出點樣嘅火花呢？衝住蕃茄壽喜燒鍋而來，我哋叫咗日本產黑毛和牛及北海道夢之大地豚放題套餐，一於睇睇咩質素👀💯［夏祭蕃茄壽喜燒鍋］喺鍋內鋪上夏日野菜，上桌後待煮至野菜水份散出並出煙，就可以鋪上肉類，然後倒入自家製蕃茄壽喜燒汁，呢個時候會因為熱力而發出「咋～～」嘅聲，喺湯汁咕嚕咕嚕冒泡嘅時候，連肉類都跟住一齊顫抖，就可以享用了🥢未倒湯前會見到鍋中有豐富嘅夏日野菜：蕃茄、冬瓜、秋葵、蟹味菇、蓮藕、洋蔥。而湯底酸甜濃郁，色澤透亮，係好有辨識度嘅味道😆入口先係微酸然後係微甜，煮到咁上下更滲透住蔬菜同肉類嘅香氣，煥發出食材最原始嘅鮮味。蕃茄嘅加入不僅中和壽喜燒嘅甜味，更大大提升清爽口感，我先後落咗個烏冬同拉麵配湯同食，軟滑彈牙嘅質感掛上濃湯，真係好好味嘅呢～呢個時候真係不易打
嚟到觀塘apm，相信大家都對但馬屋唔陌生，「但馬屋」以一人一鍋為主題，提供多款不同口味湯底，可以根據個人喜好食火銅唔使迎合他人，食得輕鬆又自在～
呢個夏天，但馬屋集團更推出夏祭蕃茄壽喜燒鍋，湯底由獨有特製壽喜燒汁加入原粒鮮蕃茄熬煮而成🍅 傳統壽喜燒又真係未試過，今次專登嚟試下咁創新嘅配搭，究竟甜甜嘅傳統壽喜燒加入蕃茄嘅「酸」味會擦出點樣嘅火花呢？衝住蕃茄壽喜燒鍋而來，我哋叫咗日本產黑毛和牛及北海道夢之大地豚放題套餐，一於睇睇咩質素👀
💯［夏祭蕃茄壽喜燒鍋］喺鍋內鋪上夏日野菜，上桌後待煮至野菜水份散出並出煙，就可以鋪上肉類，然後倒入自家製蕃茄壽喜燒汁，呢個時候會因為熱力而發出「咋～～」嘅聲，喺湯汁咕嚕咕嚕冒泡嘅時候，連肉類都跟住一齊顫抖，就可以享用了🥢
未倒湯前會見到鍋中有豐富嘅夏日野菜：蕃茄、冬瓜、秋葵、蟹味菇、蓮藕、洋蔥。而湯底酸甜濃郁，色澤透亮，係好有辨識度嘅味道😆入口先係微酸然後係微甜，煮到咁上下更滲透住蔬菜同肉類嘅香氣，煥發出食材最原始嘅鮮味。蕃茄嘅加入不僅中和壽喜燒嘅甜味，更大大提升清爽口感，我先後落咗個烏冬同拉麵配湯同食，軟滑彈牙嘅質感掛上濃湯，真係好好味嘅呢～呢個時候真係不易打擾，因為要用心去感受當中嘅精髓😚
另外一個湯底我哋揀咗含豐富骨膠原嘅美肌鍋，入面有洋蔥同雞件，隨住加熱奶白半透明嘅湯汁釋出香氣，湯底清香溫潤，搭配出面搭調醬汁會更好味～貪靚嘅朋友千祈唔好錯過😉
==================
正所謂無肉不歡，食鍋物唔單止要有湯底相伴，肉類更係重中之重，但馬屋當然有提供優質嘅肉類💡
［日本產 黑毛和牛］由日本全國中挑選其中最頂尖嘅黑毛和牛味道上乘，連色澤同油花都係按嚴格標準，輕灼幾秒即可食用，入口即溶嘅柔軟口感加上醇厚細膩嘅牛香，以及甘甜嘅油脂香氣，食過就知有幾「高汁」😚
［北海道夢之大地豚］淡粉紅色又粉粉嫩嫩嘅外表令人無法抗拒，採用在北海道飼養嘅銘柄豚，其肉質幼嫩油脂略帶甘甜，油花均勻。薄薄一片豚肉經過湯底嘅洗禮肉質具有彈性，而且營養價值高，膽固醇亦係驚人地低，愛錫身子嘅朋友不妨試下💯
出面嘅配料區域有各式野菜、丸類、烏冬、拉麵等，另外醬汁吧好有驚喜，有超過10種醬料選擇，點樣選擇你喺醬汁碗入面放啲咩？正確答案係無規則！你可以隨心所欲，用各種調味料創作出絕妙嘅組合，如果食得辣不妨試吓18禁辣醬，享受身體內外嘅火辣辣🔥另外柚子醋x金桔降溫又解膩，想補補身子又可以試吓橄欖油 x 蔥絲 x 蒜蓉，點配都得！雖然食到飽飽都緊係會預留另外一個位食甜品啦，雪糕方面提供四款味道Häagen-Dazs 雪糕供大家任食，朋友展示咗好身手，一口氣挖咗幾球雪糕，當中更有緊貼Häagen-Dazs最新口味嘅馬卡龍雪糕系列，好幸福呢！另外飲品方面亦設有多款汽水及茶類飲品🫡
最後大家仲可以試試手氣，參加夏祭限定嘅別活動「千本引」拉繩小遊戲」🤟客人可挑選任何一條繩子，拉起繩子，憑眼力實力選出夏日祭典玩具/零食/餐飲優惠券（價值$29）現場見到有個小朋友抽中佢鐘意嘅玩具，笑到卡卡聲😂🥢但馬屋(觀塘)
地址：觀塘道418號創紀之城五期(apm) 4樓22號舖
張貼
