影片
更多
2025-05-11
53 瀏覽
葵芳 ｜ 葵廣人氣排隊小丸子✨小店藏身於其中一條巷仔，但門口幾乎長期超過20人排隊，離遠已經望到條人龍，人氣爆燈！Menu上有十幾款口味，今次我揀咗明太子 + 蟹子雙拼。小丸子外形大大粒脹卜卜，面頭鋪滿明太子醬同蟹子，幾乎要滿瀉，賣相已經夠吸引。一咬落去，滿滿醬汁、木魚碎香味四溢，重點係入面有超大粒彈牙章魚！市面上唔少章魚燒為咗慳成本，只係放一粒細細粒章魚意思下，但章魚無雙完全係反其道而行，一粒裡面有兩大粒章魚，咬落爽口滿足感爆燈！我個人私心鍾意明太子味，鹹香夠突出，不過蟹子味都唔錯，食落有啲爆珠口感，兩者配搭得好好。其實佢仲有大阪風原味、芝士、黑松露、泡菜等選擇，可以揀6粒或8粒
小店藏身於其中一條巷仔，但門口幾乎長期超過20人排隊，離遠已經望到條人龍，人氣爆燈！
Menu上有十幾款口味，今次我揀咗明太子 + 蟹子雙拼。小丸子外形大大粒脹卜卜，面頭鋪滿明太子醬同蟹子，幾乎要滿瀉，賣相已經夠吸引。一咬落去，滿滿醬汁、木魚碎香味四溢，重點係入面有超大粒彈牙章魚！
市面上唔少章魚燒為咗慳成本，只係放一粒細細粒章魚意思下，但章魚無雙完全係反其道而行，一粒裡面有兩大粒章魚，咬落爽口滿足感爆燈！
我個人私心鍾意明太子味，鹹香夠突出，不過蟹子味都唔錯，食落有啲爆珠口感，兩者配搭得好好。其實佢仲有大阪風原味、芝士、黑松露、泡菜等選擇，可以揀6粒或8粒
張貼