The Salted Pig (新都會廣場) (已結業)

葵芳新都會商場5樓有間西餐都好高質，The Salted Pig(豬門店)這個質素以晚餐價錢來說都相當實惠。餐廳位置正正係中庭望上去5樓就見到，門口位都好易認，有隻大豬係招牌到，事實上入面唔止係食豬，有好多西餐美食都有得食! 環境都坐得好舒服，空間好大！The Salted Pig都有好幾間分店！今次見到有一個晚晚市套餐$198，包頭盤+主食，份量真係好夠飽，飲料或甜品就再另加錢，部分跟餐都有優惠。最後點左凱撒沙律 + Piggy Meat Platter豬肉拼盤 份沙律都好足料，煙三文魚好食，生菜都好爽脆新鮮，沙律醬的份量適中，一定唔會覺得好肥! 既然佢係豬門店，第一次食就一定要試下佢嘅豬豬美食啦! Piggy Meat Platter好多款食物，所以係好吸精第一眼就好想食! 拼盤有豬肉腸、炸豬手、脆皮豬腩、蘇格蘭溏心炸雞蛋配芥末籽忌廉汁、薯條成個餐都好豐富! 炸豬手唔算好咸，個皮都好脆，肉質都好鬆軟，唔會死實實鞋口；蘇格蘭溏心炸雞蛋口感係幾得意，似係好大粒的肉丸包住個溏心蛋，加上吉列炸皮，最外層好鬆脆、中間彈牙、入面好軟腍。脆皮豬腩烤得好香，有D似韓式烤豬腩。