稻田食堂

營業中

休息中

葵廣就行得多，向附近發現咗間日式小店，勁多嘢食，便當餐🍱、丼飯餐、拉麵套餐、壽司、刺身乜都有。同屋企人試咗一個便當同一個拉麵餐。屋企人叫左春田便當，便當大大盒，餸菜真係好豐富，如果揀飯（可自選麵類）女士可能會食唔晒。入面有四件鰻魚、照燒脆雞骨肉丸串、仲有刺身、未付螺肉、同燒汁飯。刺身大件新鮮好肥美、鰻魚又大件燒汁惹味，但燒汁飯真係偏甜，都係揀返咖喱飯好啲。我叫咗濃厚龍蝦味噌湯拉麵套餐🍜。最鍾意佢個三文魚蜆肉味噌湯，入面好多蜆肉粒、三文魚粒同蘿蔔粒，好鮮甜唔會太鹹。呢個餐仲配咗一碟小食，有珍寶皇帝蟹棒同牛油帆立貝，一啲都唔細件。跟餐仲有件甜品，食完真係超滿足。我哋仲加咗兩件左口魚裙邊壽司，灸燒過表面特別香口😋我哋好早就到咗餐廳，一坐低已經聽到餐廳不停接到外賣單，唔使一陣餐廳入面都已經坐滿晒人，繁忙時間一定要早啲到。