影片
更多
2018-06-04
1578 瀏覽
平時經過葵芳新都會都見到大排長龍，今日終於難得有機會試下呢間火鍋放題。講下餐廳環境先，坐得真係好舒服，同埋最抵讚嘅係估唔到連二人枱都有兩個爐畀我地一人一個唔駛爭，呢樣係其他火鍋放題都從來未遇過，真係非常之好！而且我地落order叫嘅和牛同埋黑豚肉次次都好快就送到，呢點同樣值得一讚！火鍋湯底有幾種，我自己就會推薦既香且滑嘅美肌湯底，啱哂我地女仕。食物質素亦非常唔錯，留意到廚房基本上係要不停refill，所以全部食材都好新鮮，最欣賞係呢度竟然有得任食羽衣甘藍！出面放題好少有呢種菜可以食，所以見到好多客人都同我一樣食左好多！至於餐廳主打嘅和牛同黑豚肉更加不在話下，級數唔低肉質鮮嫩美味，而且切片厚薄程度好適合火鍋，基本上幾乎可以一邊煮一邊就即食，我地叫完一碟又一碟真係百吃不厭。食完火鍋之後仲有 Haagen-Dazs 雪糕任食，覺得好似同平時其他放題提供嘅家庭裝雪糕好唔同，食落覺得好似同去 Haagen-Dazs 專門店食嘅杯裝雪糕味道一樣咁新鮮，由於呢間但馬屋隔離真係有間 Haagen-Dazs 專門店，個人懷疑可能真係由隔離直接攞新鮮雪糕嚟畀客人任食，如果真係嘅話咁呢間放題又有靚和牛又有新
講下餐廳環境先，坐得真係好舒服，同埋最抵讚嘅係估唔到連二人枱都有兩個爐畀我地一人一個唔駛爭，呢樣係其他火鍋放題都從來未遇過，真係非常之好！而且我地落order叫嘅和牛同埋黑豚肉次次都好快就送到，呢點同樣值得一讚！
火鍋湯底有幾種，我自己就會推薦既香且滑嘅美肌湯底，啱哂我地女仕。
食物質素亦非常唔錯，留意到廚房基本上係要不停refill，所以全部食材都好新鮮，最欣賞係呢度竟然有得任食羽衣甘藍！出面放題好少有呢種菜可以食，所以見到好多客人都同我一樣食左好多！至於餐廳主打嘅和牛同黑豚肉更加不在話下，級數唔低肉質鮮嫩美味，而且切片厚薄程度好適合火鍋，基本上幾乎可以一邊煮一邊就即食，我地叫完一碟又一碟真係百吃不厭。
食完火鍋之後仲有 Haagen-Dazs 雪糕任食，覺得好似同平時其他放題提供嘅家庭裝雪糕好唔同，食落覺得好似同去 Haagen-Dazs 專門店食嘅杯裝雪糕味道一樣咁新鮮，由於呢間但馬屋隔離真係有間 Haagen-Dazs 專門店，個人懷疑可能真係由隔離直接攞新鮮雪糕嚟畀客人任食，如果真係嘅話咁呢間放題又有靚和牛又有新鮮雪糕就真係超超超抵食喇！
張貼
