紫宸

營業中

休息中

紅燒牛肉麵（$59）份量偏少。牛肉只有四小件，算軟腍，但味道普通。紅蘿蔔有五小舊。菜芯兩條。麵條滑身有𡁻口。湯底不錯，湯清味濃，帶少甜微酸，有花椒八角香味，好有層次。酥炸雞扒三星蔥拌麵（$48）正常份量。炸雞扒一件切開五件，外層十分鬆脆，雞扒肉軟嫩。拌麵頗香，麵條彈牙十分有口感，香蔥油加埋不少黑蒜粒，味道香濃惹味。轉套餐（+$15）飲品及小食，各有三款選一。豆漿，普通坊間貨味道。椒鹽椰子肉，有驚喜，好得意。先夾咗一件薄身嘅，第一啖咬落去，口感勁似食緊椒鹽鮮魷，但少咗魷魚嘅Q彈感。至於厚身嘅，咬落就有食到椰子肉嘅口感。牛肉芝士蛋餅（$45）一份切開五件。餅皮微脆，芝士拉絲，蛋味稍少，牛肉餡料醃味足，整體味道OK。