影片
更多
2025-04-16
8 瀏覽
葵廣買牛角窩夫買到出哂名嘅呢間小店 「1/2sweet」, 牛角窩夫有多款唔同口味, 一共有16款, 全部即叫即製, 要耐心等待, 揀6件會用大格子盒包好, 每格尺寸剛好卡好, 唔會變樣。另外仲有法式牛角窩夫可麗餅, 有8款味道, 款款都係牛角酥包住movenpick雪糕, 等嘅時候已經聞到香噴噴, 熱辣辣送到手好正, 真係好鬼誘惑, 夠哂吸引呀!山園抹茶紅豆法式牛角窩夫可麗餅 - $42我要咗小山園抹茶紅豆; 用牛角酥包住movenpick雪糕已經覺得夠哂超值。又薄又脆嘅脆皮底有cream加餅乾碎, 上面大大雪糕球, 奶香味夠, 又滑嘅雪糕, 再加小山園抹茶粉及紅豆蓉, 有士多啤梨同朱古力百力支做點綴, 打卡又靚, 又好味。佢個薄脆外皮仲帶有糖面, 好味!士多啤梨森林法式牛角窩夫可麗餅 - $42佢係用左士多啤梨雪糕夾埋個脆皮可麗餅, 一樣係脆皮底有cream加餅乾碎, 多啤梨醬, 而且面上有朱古力百力支, 士多啤梨同藍莓, 酸酸甜甜超夾, 又夠開胃。牛角窩夫 - $20/2件牛角包我本身都好鐘意食, 牛角窩夫係牛角包用窩夫機壓成脆卜卜咁, 外面皮脆, 中間夾住煙韌麻糬, 層次豐富!
山園抹茶紅豆法式牛角窩夫可麗餅 - $42
我要咗小山園抹茶紅豆; 用牛角酥包住movenpick雪糕已經覺得夠哂超值。又薄又脆嘅脆皮底有cream加餅乾碎, 上面大大雪糕球, 奶香味夠, 又滑嘅雪糕, 再加小山園抹茶粉及紅豆蓉, 有士多啤梨同朱古力百力支做點綴, 打卡又靚, 又好味。佢個薄脆外皮仲帶有糖面, 好味!
士多啤梨森林法式牛角窩夫可麗餅 - $42
佢係用左士多啤梨雪糕夾埋個脆皮可麗餅, 一樣係脆皮底有cream加餅乾碎, 多啤梨醬, 而且面上有朱古力百力支, 士多啤梨同藍莓, 酸酸甜甜超夾, 又夠開胃。
牛角窩夫 - $20/2件
牛角包我本身都好鐘意食, 牛角窩夫係牛角包用窩夫機壓成脆卜卜咁, 外面皮脆, 中間夾住煙韌麻糬, 層次豐富! 而且有好多款味道選擇, 每一款都有驚喜。
1.榛子朱古力
朱古力醬香濃, 加埋榛子碎粒又香又有口感, 甜度適中。
2.宇治金時
抹茶味嘅cream加抹茶粉夠濃, 加埋甜甜地嘅紅豆, 夾埋麻薯牛角包窩夫一齊食, 煙煙韌韌咁, 好味呀!
3.烤芝士布甸
芝士表面焗到金黃色, 有少少焦香, 內裡係半流心芝士布甸 鹹鹹甜甜好滋味又滑, 好得意!
4.伯爵阿華田
伯爵茶嘅茶香配上阿華田, 阿華田味強而有力, 但又唔會蓋過伯爵茶嘅茶香,唔錯。
5.焦糖脆餅
上面係脆卜卜嘅焦糖餅乾, 焦糖味重, 食落去即刻有焦糖嘅甜香, 中間好似有一層奶蓋咁, 食落甜而不膩。
6.香蕉朱古力
呢個配搭夠晒傳統, 中間嘅cream加埋可可粉, 香蕉有焦糖面, 真係好夾。
張貼
