The Pantry Club

營業中

休息中

啟德體育館終於開幕，呢一間餐廳坐擁住最佳嘅view，可以望住田徑場上面嘅練習情況，品嚐一餐好具份量嘅晚餐！✨Pork Rib Benedict Waffle份量非常非常十足，煙燻咗嘅豬仔骨配上帶點甜絲絲嘅燒烤醬，再淋上楓糖漿，完全點綴咗充滿着蛋香嘅窩夫。雞蛋嘅溜心效果，亦都加添咗一份濕潤感！整體配搭好和諧，非常之具有飽肚感。✨Salmon Taco作為一份開胃前菜相當相當滿足，一口三文魚嘅份量都幾多，搭配酸青瓜、青瓜、蕃茄莎莎以及牛油果醬同酸忌廉，一啖咬落去嘅口感好澎湃，同時外皮非常非常之脆口，食嘅時候真係小心啲，因為真係會流晒出嚟(´▽｀)✨Burger and Lobster 除咗有安格斯牛肉芝士漢堡之外，更加配上咗波士頓龍蝦，顯得更加豐富。牛肉漢煲Juicy，牛味頗重，而波士頓龍蝦用咗檸檬牛油汁去烤焗，味道鮮甜之餘，亦不乏爽彈嘅口感。✨Pink Guava NEON Fruit Soda✨Pomegranate Lime Soda由於今日食嘅菜式都比較Heavy，所以就揀咗兩杯梳打去清清喉嚨，以及口腔嘅油膩 。青檸嗰杯會較為清新一點，而紅肉石榴嘅果香味則更加出眾。