ROYAL INN

呢間the one嘅西餐一向都係打卡聖地，今日中午嚟到，落地大玻璃睇到藍天白雲，陽光照射入餐廳勁光猛，淨係環境都加晒分！是日餐湯有蘑菇忌廉湯，食到粒粒新鮮蘑菇碎，餐包亦烘得香脆又熱辣辣意式肉丸蕃茄醬手工闊麵欣賞呢度嘅闊麵口感煙韌，果然係手工麵獨有嘅效果，加上麵條沾滿酸甜嘅蕃茄蓉味道出色！肉丸亦係結實而肉質唔會老。燒美國豬肉眼肉扒肉眼肉質嫩冧，配上黑椒汁惹味，另外仲有烤西蘭花、蕃茄、薯角做伴菜，特別鍾意佢嘅烤薯角做得外脆內軟綿綿，食到啖啖薯蓉。