影片
更多
2020-11-04
458 瀏覽
限聚令完左之後第一次食放題，一：上到餐廳，見到佢嘅防疫設施就好放心。 除左基本嘅探熱同搓手液，口罩袋之外，嗰個臨時透明牆感覺好保護，令大家食得安心。 一坐低侍應就好好心機介紹，佢話已經幫我哋落左嗰大刺身拼盤，佢千叮萬囑叫我哋食咗個刺身拼盤先好再點為問第二輪嘅唔新鮮。 另外仲有三選一鍋物，同埋提我哋邊一啲食物選擇要用多啲時間（因為係即叫即做），所以要先點等等，十分詳盡而且有禮，印像已經令我哋感到舒服。大刺身拼盤非常吸引，我哋嘅著眼點去咗三隻生蠔，因為真係第一次食放題嘅刺身拼盤會有生蠔，而且係新鮮同好有海水同鮮蠔味, 其餘的有肥美嘅三文魚腩, 蝦都有好幾款: 天使蝦. 甜蝦, 激巨赤蝦, 泰式生蝦, 仲有珍寶帶子刺身等等, 好豐富吖! 竟然有我最鍾意嘅香蔥吞拿魚蓉軍艦，仲要毫不吝嗇，件件嘅吞拿魚蓉都是滿滿的， 紫菜十分新鮮都係脆口的。 花之戀嘅三文魚片好新鮮， 配合香口嘅沙律醬同蟹子粒，真係惹人喜愛。仲有海膽蝦壽司同元貝+油甘魚黑松露壽司，黑松露味好勁，夠矖過癮。 除左刺身之外，仲有爐端燒，落重料嘅芝士焗蠔，芝士帆立貝，另外我地都推介麻辣牛栢葉同帆立貝，平時食麻辣都油淋淋，依個麻辣就唔同
一坐低侍應就好好心機介紹，佢話已經幫我哋落左嗰大刺身拼盤，佢千叮萬囑叫我哋食咗個刺身拼盤先好再點為問第二輪嘅唔新鮮。 另外仲有三選一鍋物，同埋提我哋邊一啲食物選擇要用多啲時間（因為係即叫即做），所以要先點等等，十分詳盡而且有禮，印像已經令我哋感到舒服。
大刺身拼盤非常吸引，我哋嘅著眼點去咗三隻生蠔，因為真係第一次食放題嘅刺身拼盤會有生蠔，而且係新鮮同好有海水同鮮蠔味, 其餘的有肥美嘅三文魚腩, 蝦都有好幾款: 天使蝦. 甜蝦, 激巨赤蝦, 泰式生蝦, 仲有珍寶帶子刺身等等, 好豐富吖!
竟然有我最鍾意嘅香蔥吞拿魚蓉軍艦，仲要毫不吝嗇，件件嘅吞拿魚蓉都是滿滿的， 紫菜十分新鮮都係脆口的。 花之戀嘅三文魚片好新鮮， 配合香口嘅沙律醬同蟹子粒，真係惹人喜愛。仲有海膽蝦壽司同元貝+油甘魚黑松露壽司，黑松露味好勁，夠矖過癮。
除左刺身之外，仲有爐端燒，落重料嘅芝士焗蠔，芝士帆立貝，另外我地都推介麻辣牛栢葉同帆立貝，平時食麻辣都油淋淋，依個麻辣就唔同，又夠麻夠辣同香，而且好入味！
唔知點解，我地往往都被炸物吸引住！大家睇吓～佢嘅presentation仲要勁吸引！！有芝士年糕，香芋丸, 炸蠔，炸雞同豆腐同我哋有不停encore嘅一口芝士同韓式炸鮮奶!一口芝士勁大陣藍芝士味而且係有温暖而流心嘅感覺。另外好耐無食過炸鮮奶，依度嘅炸鮮奶係用上麵包做外層，裏面包住香滑嘅鮮奶同大粒紅豆，而且唔甜我地每人都食左三條先收手！
飲品方面，唔好睇佢得兩個雪櫃，其實裏面包羅萬有，除咗基本嘅可樂，無糖可樂，各款各樣嘅韓式汽水，連梳打水都分原味同青檸味，超過十款選擇嘅紙包飲品，啤酒都有四款選擇， 又淡味，正常，同黑啤都有！
甜品方面都不弱，除左不不同奶凍，布丁，山水豆腐花之外，仲有勁多款雪糕雪條！尤其是阿波羅品，雪糕杯，雪條同雪米糍乜都有！另外，仲有每人一條韓國雪糕，我選左雪糕鯛魚燒，鬆化嘅威化皮裏面係雲尼拿雪糕加上一層朱古力醬，食到幾飽都食得落！
❤佢地嘅嘢食款式多到呢，其實一個正常食量嘅人係無空間食得曬😂，只能下次再嚟食過～！
張貼
