T.Co (開源道)

營業中

休息中

一直以來都好鍾意食呢種牛肉卷，但係多數係食印度嘅kebah，原來菲律賓都有類似嘅卷，而且原來仲係連鎖店嚟，終於開咗嚟香港啦。佢嘅賣相同印度嘅好似，但係原來分別係菲律賓嘅呢種會比較細同埋比較多蔬菜，感覺健康好多。我就叫咗個牛肉卷加薯條，一拎出嚟已經聞到好香，而且咬落好多醬汁，牛肉都幾嫩滑，唔使加茄汁已經好好食。估唔到嘅係呢度嘅薯條都好好食，佢係新鮮炸出嚟嘅，而且係粗薯條，外脆內軟，點賣茄汁真係一流。另外我仲叫咗個雞飯，又係比較多蔬菜，感覺呢度嘅食物都好健康。因為我太飽，所以就叫朋友食咗一半，佢就話真係好好食，雞肉好嫩滑，感覺係新鮮雞，而且同醬汁好夾，食落越食越開胃。呢間菲律賓雞卷又平又好食，而且仲開咗好多間連鎖，好似旺角尖沙咀都有㗎，非常推薦大家嚟試吓。