T.Co (威靈頓街)

營業中

休息中

之前去開中環做野、比較夜唔知食咩好，見菲律賓超強人氣連鎖品牌【T.Co】仲開門，所以買左外賣啦。T.Co主打特色烤卷Pita Wraps同鷄汁飯既外賣專門店。鷄肉大碗飯：份量真係超級大碗！鷄汁飯淋上秘製醬汁，加上蒜香蛋黃醬（aioli）帶微辣，好惹味～鷄肉雖然偏乾身，但唔會柴，撈埋醬汁同蔬菜一齊食，口感豐富濃郁，飽肚之選！嫩滑惹味雞烤卷：即叫即製嘅Pita餅暖笠笠，包住同鷄肉飯一樣嘅餡料，但多咗溶化芝士，口感更Creamy！醬汁依然係靈魂，微辣蒜香加上芝士拉絲，邪惡但好滿足～炸shake shake薯條：薯條炸得金黃脆身，撒上sweet corn調味粉，鹹中帶甜，好有驚喜！自己Shake勻好過癮。即磨咖啡：即磨咖啡買一送一、有熱同凍選擇，咖啡算幾香濃。T.co嘅菜式份量十足，秘製醬汁係亮點，微辣蒜香好過癮！鷄肉烤卷同Shake Shake薯條最有特色，價錢合理。