影片
更多
2024-05-08
373 瀏覽
尖沙咀嗰頭好多異國料理，而且都係由當地大廚主理，味道夠晒正宗！今次揀咗一間印度餐廳，環境企理乾淨，有少少西餐廳嘅感覺，坐得幾舒服～主打各款印度咖喱、烤餅同小食，仲有低卡輕食套餐，就連減肥嘅朋友仔都可以搵到啱食嘅嘢！-——————————————🍢◖烤雞肉串◗ $188有兩大串烤雞肉，先用阿拉伯香料醃製雞肉，夾雜三色甜椒拎去烤。成串烤得乾身，出面有少少焦香，肉質唔柴依然多汁，好食！🐟◖咖哩魚◗ $158咖喱超多魚肉，加咗洋蔥、大蒜、薑同椰奶，煮出嚟嘅魚肉肉質依然嫩滑，大有濃郁嘅香料味，食落又唔會太辣，同烤餅一齊食真係一流！🥠◖香草茄子泥◗ $78烤茄子泥混合蕃茄香草同香料，整體好香味道清新，可以搽喺伴碟彼得包上面一齊食，好食！🧄◖蒜蓉烤餅◗ $38🧀◖松露芝士烤餅◗ $58去食印度嘢一定主攻佢啲烤餅，兩款都好好食！蒜蓉烤餅搽上蒜蓉牛油醬，薄薄地好脆口，仲有粒粒嘅蒜蓉，但唔會太濃味，配埋咖喱食就一流；黑松露烤餅好香，整體味道好濃郁，配上芝士，識落口感偏煙靭，推薦！🌟 Encore指數：9/10
-——————————————
🍢◖烤雞肉串◗ $188
有兩大串烤雞肉，先用阿拉伯香料醃製雞肉，夾雜三色甜椒拎去烤。成串烤得乾身，出面有少少焦香，肉質唔柴依然多汁，好食！
🐟◖咖哩魚◗ $158
咖喱超多魚肉，加咗洋蔥、大蒜、薑同椰奶，煮出嚟嘅魚肉肉質依然嫩滑，大有濃郁嘅香料味，食落又唔會太辣，同烤餅一齊食真係一流！
🥠◖香草茄子泥◗ $78
烤茄子泥混合蕃茄香草同香料，整體好香味道清新，可以搽喺伴碟彼得包上面一齊食，好食！
🧄◖蒜蓉烤餅◗ $38
🧀◖松露芝士烤餅◗ $58
去食印度嘢一定主攻佢啲烤餅，兩款都好好食！蒜蓉烤餅搽上蒜蓉牛油醬，薄薄地好脆口，仲有粒粒嘅蒜蓉，但唔會太濃味，配埋咖喱食就一流；黑松露烤餅好香，整體味道好濃郁，配上芝士，識落口感偏煙靭，推薦！
🌟 Encore指數：9/10
張貼
