BOUNDLESS by REACTION

營業中

休息中

見餐廳有荷蘭鬆餅食，好似幾得意咁，所以同朋友專程去試。🍽️ 我地點左一份和牛漢堡同埋荷蘭鬆餅，漢堡包味道不過不失，薯條即炸都香脆好食，但荷蘭鬆餅確實喺是日晚餐既敗北，令人好失望😮‍💨📌墨西哥辣肉醬扭紋通粉配荷蘭鬆餅鬆餅賣相同餐牌既圖片有好大出入，焗到深啡色好似成個燶左咁，食落亦有陣陣烤焦味。鬆餅口感偏向濕潤同埋本身都無咩蛋香或麵粉味，都唔知自己食緊咩。😔😔本身諗住辣肉醬加埋溫泉蛋呢個配搭實無死，食落個味應該好濃郁先至喺，但結果個醬汁喺非常之淡口，唔夠肉味亦都唔辣，而咸度都唔夠。最後，我食到一半已經直接放棄左。下圖喺餐廳提供的餐牌圖片，相比之下我食緊既個個荷蘭鬆餅好似中左輻射咁🤢🥲希望餐廳會改善一下食物既水準。