泰玖 (已結業)

之前喺荃灣食過呢一間泰國菜裝修幾靚，而且食物唔錯，今再試吓食佢哋嘅咖喱同埋海鮮都非常之唔錯。泰式生蝦$128呢度嘅沙灘比較特別，係一杯一隻生蝦，開一次過將辣椒蒜片薄荷葉同埋滿滿嘅醬汁一口氣咁食，勁辣得黎隻蝦又好新鮮超好食。泰式紅咖喱牛腩$108呢度嘅紅咖喱係偏甜同埋好香椰奶味，咖喱入邊有菠蘿豆角同埋茄子食落去非常清新，而且牛腩嘅份量亦都超級多，而且煮得非常之腍，牛肉味亦都非常之濃郁，加多$36仲可以有埋泰式薄餅超正。泰式串燒（豬牛雞各兩串）$118串燒充滿炭燒嘅香味，無論係豬牛定係雞肉質都係非常之軟熟，再加上呢度嘅醬汁都比較特別，係一個比較杰身嘅醬汁食落甜甜地又有好多嘅花生碎。泰式芒果糯米飯$58呢度嘅芒果糯米飯好特別，望落去成個壽司咁，有一半係黑糯米一般係白糯米嘅芒果糯米飯，白糯米好香濃，黑糯米嘅版本更加濃郁滋味。新鮮椰青$28大大個即開嘅椰青都只係$28 ，超級抵食。