泰玖 (已結業)

餐廳有兩層，下層係酒吧位，適合飲酒🍻食小食既客人chill，而上層則有多個四人枱，環境微暗好有情調。♦️泰式明爐檸檬鮮魷魚🦑通常去泰國餐廳都會點明爐魚，但依間餐廳更新增一款菜式：檸檬鮮魷魚。明爐檸檬汁配魷魚一樣咁夾，酸酸辣辣好開胃🤤。魷魚切好左，食得出幾新鮮；肉質亦好嫩滑。有菜絲墊底有配菜食下幾健康。👍泰玖招牌蟹肉煎蛋捲依個係餐廳招牌菜，必點菜式。煎蛋捲賣相好靚，唔似外面餐廳有時會整得少少碎。蛋漿超香，食落有滑蛋既質感，入面有好多蟹肉，真材實料。🥤菠蘿活性乳酸菌屎樂冰個杯好精緻，仲有個紙仔水果掛杯！菠蘿汁溝益力多好夾，非常解渴。沙冰打到有粗粒沙冰，我覺得飲落好有口感。♦️芒果糯米飯整到似壽司🍣咁鋪左塊厚身既芒果🥭片，好有儀式感。飯好軟屬，配上有口感同好甜既芒果，點埋椰汁實在滿足到我甜品胃！