泰玖 (已結業)

荃灣香車街果邊都幾多野食，最近試左一間感覺比較新派泰國野，叫做泰玖。餐廳有兩層，二樓有多啲位，環境唔算坐得好逼，帶工業風裝修。野食選擇都幾多，CP值幾高，定價貼地，同時都有做午市。今次叫左新出嘅火山排骨，有得揀二至三人份量或者四至五人份。二至三人份量嘅排骨都幾大件，而啲肉煲到好腍，加埋酸酸地幾開胃嘅辣湯，覺得呢個唔錯。另外叫左牛肉金不換炒河，河粉好粗，非常爽彈有口感！而成碟都炒得好入味，亦都有好多蔬菜配料，好有泰式感覺。飲品叫左珍多冰，味道偏甜但係充滿椰味，非常解辣。最後甜品叫左芒果糯米飯，整到好似壽司咁，幾易食！