影片
更多
2022-05-17
57 瀏覽
熟悉荃灣嘅朋友一定知路德圍最多嘢食，而喺呢度就有一間壽司店，初開張時都已經聽聞過其他分店極具人氣，價錢親民抵食荃灣分店內有十餘個座位，雖然唔大，但唔洗立食有得坐下慢慢嘆都好好，坐低用qr code落單，方便快捷大呑拿魚鮫壽司 (KAMA TORO) $68 望落個色澤亮麗，一咬啲魚油咇晒出嚟，入口即溶，齒頰留香，好似喺日本食嘅拖羅咁新鮮！完全冇諗過香港一間價錢平民嘅壽司店可以咁有日本風味火炙大呑拿魚腩海苔壽司 $50師傅見我咁鍾意食拖羅，推介咗我食呢個火炙大呑拿魚腩，唔洗點鼓油，已經夠鮮味，燒過嘅魚腩啲油出晒嚟，勁香，配上脆脆嘅海苔，超級滿足海膽壽司盛盒 $198本人十分喜歡食海膽，但一路都覺得要喺香港食到好食唔臭嘅海膽好難，呢個壽司盛盒用上不同食材配海膽，有左口魚、蝦等等，本身嘅食材都好新鮮，海鮮有甜味唔會有怪味，絕對為食材提鮮，推介俾三五知己一齊share炸軟殼蟹配山葵沙律醬 $78呢度除咗有刺身同壽司外，仲有炸物，呢個軟殼蟹炸得香脆唔油膩，山葵沙律醬有微微刺激感，食完一件想再食多件螢光魷魚軍艦 $38唔係度度都有螢光魷魚，呢度就有，我非常喜歡螢光魷魚嘅咸香味，配清酒一流。呢個螢光
荃灣分店內有十餘個座位，雖然唔大，但唔洗立食有得坐下慢慢嘆都好好，坐低用qr code落單，方便快捷
大呑拿魚鮫壽司 (KAMA TORO) $68
望落個色澤亮麗，一咬啲魚油咇晒出嚟，入口即溶，齒頰留香，好似喺日本食嘅拖羅咁新鮮！完全冇諗過香港一間價錢平民嘅壽司店可以咁有日本風味
火炙大呑拿魚腩海苔壽司 $50
師傅見我咁鍾意食拖羅，推介咗我食呢個火炙大呑拿魚腩，唔洗點鼓油，已經夠鮮味，燒過嘅魚腩啲油出晒嚟，勁香，配上脆脆嘅海苔，超級滿足
海膽壽司盛盒 $198
本人十分喜歡食海膽，但一路都覺得要喺香港食到好食唔臭嘅海膽好難，呢個壽司盛盒用上不同食材配海膽，有左口魚、蝦等等，本身嘅食材都好新鮮，海鮮有甜味唔會有怪味，絕對為食材提鮮，推介俾三五知己一齊share
炸軟殼蟹配山葵沙律醬 $78
呢度除咗有刺身同壽司外，仲有炸物，呢個軟殼蟹炸得香脆唔油膩，山葵沙律醬有微微刺激感，食完一件想再食多件
螢光魷魚軍艦 $38
唔係度度都有螢光魷魚，呢度就有，我非常喜歡螢光魷魚嘅咸香味，配清酒一流。呢個螢光魷魚唔會死咸，配上葱花清新一下，正
牛油果壽司 $9
其實呢度都有好多平價壽司，好似呢個牛油果壽司，大大熟透嘅舊牛油果，點一點鼓油好似食緊金槍魚咁。仲有三文魚等嘅壽司都係$9，真心抵食
不得不提呢度嘅師傅好親切，佢地見你鍾意食乜，會推介好嘢俾你，又會睇下你食完未，再上下一道菜，每位客人離開時都會講拜拜，好有禮貌，食物好，價錢親民，下次一定會再幫襯
張貼
