Cube O - Journey with Seajellies (已結業)

我地事先冇book位，因為已經訂滿左，所以我地被安排坐喺角落位置，想影相打卡都要離開位。 雖然有少少遺憾，但係服務仍然非常好。食物出乎意料地好😆，其實我之前係冇任何期望，因為我淨係一心諗住黎打卡影水母😆😆😆我地點了一份湯和兩份主菜。 🐗超愛蟹肉西班牙凍湯💓加左牛油果，口感順滑。 番茄湯濃郁嘅味道好開胃。而我就最鍾意西班牙紅蝦意大利飯🤤🤤飯充分吸收左紅蝦頭嘅精華，非常入味，而且只需$298！通常我喺其他餐廳食西班牙紅蝦嘅菜式都要$400~$500左右，呢度相對黎講抵好多。烤雞都好好食。香煎黃油雞香脆外皮有濃濃嘅香草味，又嫩又多汁，好好味😋薯蓉幼滑creamy，一啖接一啖好快食晒🤤。鍾意煎雞必揀呢道性價比之選。 最重要嘅係，一位店員我估係餐廳經理送左一份免費甜品俾我地以彌補我地坐嘅位置唔太靚。佢仲特別安排我地坐去主用餐區享用，因為其中一位顧客取消了預訂！因為個位太打卡able🤤🤤我影左勁多相🫶🫶🫶驚喜甜品係日本炙燒芝士熔岩蛋糕🤤🤤🤤 面頭嘅脆皮好正，質地細滑。總括而言，呢次海底用餐體驗非常難忘，俾水母圍繞住食飯好開心！下次一定會book定個靚位。