樓下冰室

營業中

休息中

呢間餐廳喺荃灣開咗好耐一直都未有機會幫襯，行開呢度終於有機會嚟食！✨吉列豬扒沙律吉列豬扒超級厚，而且豬扒好鬆軟！吉列炸粉好薄！而且一啲都唔油膩😋😋😋沙律就係正宗茶記沙律！夠晒多沙律醬！✨超級厚蛋治真係唔係講笑！啲蛋多到一啖都咬唔晒！啱晒打卡之餘而且啲蛋都幾滑同埋有牛乳嘅香味🤪🤪🤪✨瑞士雞髀🍗、沙律佩丹麥多士丹麥多士即叫即整！熱辣辣超正！瑞士雞髀🍗係呢間餐廳最出名嘅食物之一！果然冇令我失望！瑞士雞髀啲顏色夠晒深色！而且雞髀入邊仲有肉汁同埋鮮嫩可口😍😍😍😍✨三併番茄麵(自家製叉燒、鮮牛肉、素食）覺得揀呢三樣餸都幾好食，冇一樣野係伏！最好食嘅係鮮牛肉！因為鮮牛肉夠晒滑而且冇咩筋！自家製叉燒係半肥瘦叉燒，肉質都幾淋！素食就包括有鮮菌、粟米粒、腐皮同埋一啲蔬菜🥬！嘢飲選擇幾多！叫咗咸檸檬蜜同檸七！爽呀🤟🏻🤟🏻