越男仔 (已結業)

星期五放工係荃灣行街食飯, 搵食緊係去大霸街啦。呢間位於大霸街嘅越男仔, 傍晚飯時間都幾多街坊去幫襯, 晚市餐牌抵食又多選擇, 有齊小食, 主菜, 飲品, 份量十足。而餐廳主打新派越南菜, 菜式創新又精緻, 餐枱好有特色, 裝潢都好舒服。 蔥油三味薑黃飯配雞湯 - $79一個蔥油三味薑黃飯, 三味分別係豬扒, 豬頸肉及扎肉, 豬扒好有炭燒味, 不過乾身咗啲, 豬頸就燒得好香, 焦香炭燒味, 扎肉爽脆好好食, 薑黃飯炒至乾身, 配埋蔥油,味道不錯。生牛肉河 - $66個湯底好出色, 湯好濃郁, 好香牛骨湯味; 牛肉上果時半生熟，再用熱湯林一林佢就熟了, 啲牛肉入口即溶, 好冧好滑, 又鮮嫩, 再加上佢地餐廳提供既調味三寶, 有新鮮指天椒, 新鮮青檸, 蝦油蒜頭, 令到個湯底又辣又鮮。炸蝦餅 – 跟餐加$55炸蝦餅比平時食嘅唔同, 平時外面嘅係一舊舊, 好似厚餅咁, 但佢哋切開一片片, 口感軟而且無咁油, 鮮蝦香味, 又夠彈牙。青檸梳打 - 跟餐加$26梳打水同青檸冰分開上, 飲完好爽呀!