泰Grill (享和街)

這間泰菜位置並唔難搵，就在大型商場附近，舖位唔算大，但座位都幾寬躺. 落order係用二維碼自助落單，職員亦都有提供餐牌比客人，基本上餐牌上每樣食物都會附上圖片，等客人可以知道食物大概係什麼樣份量係點，唔使估估下，食慾都大增啲😂. 我哋叫咗泰式船麵，可以選豬肉或雞肉，我哋選了豬肉，船麵湯底濃郁，份量不少，豬肉唔會煮到過老. 手打馬沙文咖哩（雞肉/牛肉/豬肉/雜菜/海鮮），我哋選了雞肉另外加咗個白飯，這個咖哩都幾大兜，味道唔會過辣，適合用來撈飯，又或者配蒜蓉包應該會幾夾. 泰式燒牛肉，唔會燒到好乾身，本身牛肉已經夠味，加埋醬汁嚟食又提升至另一個層次. 西蘭花炒蝦仁，價錢親民，蝦嘅份量不少，西蘭花爽口，個汁有啲似泰式濕炒牛河的味. 炎炎夏日，當然要叫返杯椰汁冰嚟飲，有得選少甜少冰，食完咁多熱嘢，飲啖椰汁冰成個人舒服唒. 服務方面也ok，荃灣食泰菜又多個選擇.