影片
更多
2024-02-29
80 瀏覽
放工出荃灣剪頭髮，等到勁肚餓！剪完之後同朋友近近哋行去大鴻輝睇有咩食，見到一間新開嘅日式放題，就上去排啦～因為都多人等(仲要係平日)，應該唔差喎，好彩都係排咗三個字就入得🫶🏿我哋叫咗A餐- $288雖然係咁多組合嚟講最平，但都已經有唔少好嘢食🥶挪威三文魚、柔軟滑嫩嘅油甘魚、鮮紅色嘅阿根廷赤蝦同甜蝦，仲有松葉蟹棒同鮮嫩劍魚腩刺身，食落都幾新鮮㗎🐟🫶🏿佢哋嘅三文魚壽司、花之戀、火炙三文魚壽司、特濃芝士醬燒皇帝蟹棒壽司同海膽手卷都好出色，口感豐富，味道好正💕🍣仲有燒烤類嘅嘢食，例如燒紐西蘭羊鞍同鹽燒海蝦。我特別推薦佢哋嘅古法羊腩煲，肉質嫩滑，味道濃郁，真係好好食😋🥘貓山王榴槤炸彈、蒜香蛤蜊卜卜蜆鍋、薑蒽炒花蟹、竹笙瑤柱蟹肉羹同御品鮑汁燴花膠，平時出去少食到嘅嘢呢度最平竟然有得任叫😍味道都幾出色😛仲有抵食嘅位就係，貴價雪糕都係雪櫃任攞！如果你鍾意飲日本酒或者啤酒，呢度仲可以盡情暢飲💕今次放題原本諗住同fd hea食，點知勁suprise勁多好嘢食🥰性價比好高！下次要叫成班fd一齊再食過😝
我哋叫咗A餐- $288雖然係咁多組合嚟講最平，但都已經有唔少好嘢食🥶挪威三文魚、柔軟滑嫩嘅油甘魚、鮮紅色嘅阿根廷赤蝦同甜蝦，仲有松葉蟹棒同鮮嫩劍魚腩刺身，食落都幾新鮮㗎🐟🫶🏿
佢哋嘅三文魚壽司、花之戀、火炙三文魚壽司、特濃芝士醬燒皇帝蟹棒壽司同海膽手卷都好出色，口感豐富，味道好正💕🍣
仲有燒烤類嘅嘢食，例如燒紐西蘭羊鞍同鹽燒海蝦。我特別推薦佢哋嘅古法羊腩煲，肉質嫩滑，味道濃郁，真係好好食😋🥘
貓山王榴槤炸彈、蒜香蛤蜊卜卜蜆鍋、薑蒽炒花蟹、竹笙瑤柱蟹肉羹同御品鮑汁燴花膠，平時出去少食到嘅嘢呢度最平竟然有得任叫😍味道都幾出色😛
仲有抵食嘅位就係，貴價雪糕都係雪櫃任攞！如果你鍾意飲日本酒或者啤酒，呢度仲可以盡情暢飲💕
今次放題原本諗住同fd hea食，點知勁suprise勁多好嘢食🥰性價比好高！下次要叫成班fd一齊再食過😝
張貼
