BnR (已結業)

響荃灣廣場掃完貨，見到呢間新開嘅湯麵專門店。手工韮菜餃米線有好多款湯底選擇，冬陰功湯係小辣嘅，蕃茄味幾清新唔會太重香料。本身有5粒韭菜餃子🥟加$13可以多2粒😸啲餃子超大粒～等於一隻湯羹咁大，好驚人。餃子餡多菜少肉啱晒我，韭菜濃味食落亦唔寡。有時唔想食粉麵飯都可以叫淨餃子（有8粒咁多)。波波雞飯有啲似海南雞飯但又唔完全係😺雞肉唔乾柴，啲飯整做波波幾得意，飯質感唔錯幾香。份量都有4大粒，絕對夠飽。蔥油豉油幾惹味～炸雞中翼好多肉嘅雞翼～即叫即炸唔會唔好食啦。