泰Grill (享和街)

荃灣食泰國菜嘅選擇都好多，唔入商場，都唔一定要去路德圍名店。荃灣廣場附近發現呢間嘢，坐得舒服，食物都幾適合打卡。睇下餐牌，跟住自己QR CODE落單蛋包虎蝦炒金邊粉 $128泰國炒金邊粉，好多人都試過啦！都係酸酸甜甜，加埋旁邊嘅辣粉，都唔算太辣，可以接受。蛋絲變成蛋網包住金邊粉，賣相更加好。蝦都唔係炒落金邊粉裡面，變成拌碟。虎蝦都有用沾滿蛋漿嘅炸粉包住，感覺更加香脆，一人一隻好過癮。泰式小食拼盤 $128拼盤有春卷、蝦餅同雞翼，呢啲都係比較安全嘅選擇。春卷香脆，但唔算好多料。蝦餅香脆彈牙，最正嘅係雞翼，原來佢係香茅雞翼。外皮炸得香脆，裡面多汁，仲一路食一路有香茅同蒜香味，成碟最啱食嘅嘢。勝獅生啤(610ML) 買一送一 $78叫咁多香口嘢，唔係唔飲酒啊？咁大杯，仲買一送一真係好抵。呢杯勝獅係淡口味，飲落非常清爽，泡嘅厚度都啱啱好。