滷友記 (華都中心)

營業中

休息中

同朋友係荃灣行完街，見到華都中心有間滷友記食台灣野，估唔到普通小店性價比都咁高🤩飲品方面，我地叫左鮮檸檬薏米水同蘋果雪梨雪耳。鮮檸檬薏米水味道酸酸甜甜，好解膩。蘋果雪梨雪耳超級清甜，將入面仲有好多蘋果粒粒同雪耳，好滋潤。台式酥炸雞扒飯份量好大碗，有啲滷肉可以用來撈飯，雞扒好鬆脆，炸粉亦都唔會太多，肉質好鬆軟，同朋友share先食得哂😋。小食方面，叫左滷水豆腐，滷水汁好入味，唔會太鹹啱啱好，而豆腐都好滑。生炸大雞髀個皮炸得好香脆，炸咗咁耐但係都唔會好乾，啲肉一啲都唔鞋，一咬開啲雞肉仲係嫩滑。