一．漢堡

營業中

休息中

🔹 大啡菇漢堡 🍔🔹 炸魚薯條🐟🍟同男朋友係荃灣華都中心行街，見到有間叫《一．漢堡》的手造漢堡包🍔專門店。舖頭以黑白為主色，灰銀色的高餐桌椅，牆身仲掛上NBA的照片，好有美式風格。雖然鋪頭細細，但都有2排座位，可以比客堂食。餐廳位於荃灣華都中心，好容易搵架！ 大啡菇漢堡 🍔超鍾意食大啡菇漢堡，豐富又香又多汁又有口感，配埋新鮮爽脆嘅生菜，青瓜，同埋甜甜地嘅洋蔥，配合上嚟非常好味，包又夠鬆軟成個都好好味呀！炸魚薯條 超大塊炸魚冚住晒啲薯條囉完全，魚柳好厚食落去啖啖肉，又新鮮。佢係厚身薯條嚟㗎，所以食落去好有口感，外面脆入邊有好多薯蓉。可樂用可樂夾薯條同埋漢堡包簡直係絕配！