呢間以木系🪵為主調嘅「甜栗🌰」比人一種幾寬敞舒適嘅感覺😌 拍拖聚會都幾唔錯👍🏻
Lunch Menu都幾多選擇，諗到嘅韓國料理🇰🇷基本上都有，思念韓國🇰🇷 ➕ 食物嘅話真係岩曬😎 睇下今次食左d咩啦👇🏻
1️⃣ 韓式便當🍱 💰$78
賣相非常吸引😍 有齊紫菜包飯、甜辣炸雞🍗同埋煎糖餅，一次滿足曬3個願望😝
紫菜包飯同甜辣炸雞絕對係喜愛韓國人士最愛嘅美食🥰 每次都必點😬煎糖餅煙煙韌韌好好咬，配埋朱古力醬食不得之了，如果再多d肉桂餡料就更加正正子🙈
2️⃣ 烤五花肉飯 💰$86
份量比想像中嘅多😳 五花肉有肥有瘦，幾有肉汁，皮嘅部份仲烤到食落有d似「啫哩」嘅感覺，食落出奇地又唔會話覺得好膩，食肉獸嗜肥者岩曬，點埋豆瓣醬真係好岩送飯，話咁快就食曬🤤
1
3️⃣ 泡菜煎餅 💰$68
份量比想像中豐富，外層煎得幾香脆💥 配埋sauce會帶點微微嘅辣味，「真係好惹味喎！」香口野真係好正，記住趁熱食呀😉
4️⃣ 藍柑🍊荔枝乳酪沙冰🧊 💰+$18 (套餐轉配價)
Blue and White嘅湖水藍賣相真係好靚🌊 好岩用黎打卡📸 乳酪味道較重，當中略帶微微嘅柑橘味 🍊 甜度岩岩好👍🏻 大熱天時嘅夏天飲真係好爽☀️🌴
5️⃣ 國寶茶🍵 💰+$18 (套餐轉配價)
另外，🧒🏻揀左養生茶系列，食左咁多香口野都要飲返啖茶解下油膩嘅🍵 呢杯國寶茶好香紅棗杞子味，聽聞有助抗氧化、暫緩衰老同增強免疫力💪🏻 岩曬食完又怕月巴嘅女士們😝
