泰Grill (享和街)

放工經過餐廳，成日都見到有人排隊等位食晚飯，呢日終於約到朋友去試吓餐廳嘅泰國菜，叫咗以下菜式:燒菠蘿 - 菠蘿燒過後更香甜。串燒 (豬牛雞) - 串燒豬、牛、雞都燒得焦香juicy，點埋甜甜哋嘅沙嗲汁就更好食，當中最愛牛肉串。炸蝦餅 - 蝦肉新鮮爽彈，蝦味濃郁，好味。蒜蓉包 - 焗得香脆，蒜蓉味香濃，很惹味。泰式燒雞 - 燒雞皮脆肉嫩，好香口。蛋包虎蝦炒金邊粉 - 虎蝦好大隻，肉質結實，金邊粉酸酸甜甜，好開胃。芒果糯米飯 - 芒果香甜，雙色糯米飯軟硬適中，白色糯米飯較糯，黑色糯米飯有咬口，配上香濃嘅椰汁，好好食。椰青 - 很清甜，正好中和熱氣感。凍泰式奶茶 - 奶茶濃滑，又唔會過甜，不錯。另外，餐廳店員殷勤有禮，值得一讚。